Praat verby grense

<p>Die tragedie wat ds. Laurie Gaum tref, sou hom en<br>sy pa, dr. Frits Gaum, uitmekaar kon dryf, maar<br>die teenoorgestelde gebeur. Hulle ontdek onmeetlike<br>gemene grond om saam te verken – die pa ’n<br>swaargewig in sy kerk; die seun ’n predikant oor<br>wie daar op ’n dag sensasionele voorbladnuus is.<br>Dié nuus vererger wanneer Laurie se lewensmaat<br>homself enkele dae later om die lewe bring.<br>’n Lewens krisis word ’n krisis vir die kerk. Laurie<br>word uit sy amp ontslaan, maar hy appelleer<br>suksesvol. Intussen woed daar ’n debat oor<br>homoseksualiteit, ’n saak wat dreig om kerke<br>wêreldwyd te skeur.<br>In kalmer dae wissel pa en seun e-pos oor talle<br>kwessies wat hiermee verband hou. Hulle praat<br>ernstig en reguit maar ook met respek en liefdevol<br>oor die Bybel en seksualiteit, verdraagsaamheid en<br>vergiffenis, oor die dood en oor hoop, geregtigheid,<br>mens-wees, die samelewing, die kerk, rassisme,<br>bevrydingsteologie ... en altyd weer oor God.<br>Dit word ’n ontroerende en inspirerende ge sprek<br>tussen twee begaafde mense wat hulle eie en<br>me kaar se grense uitdaag en verskuif.</p>