La graveco de la verko "La kapitalo" de Karlo Markso por la kreado de la socia sistemo de la socialismo en la GDR kaj por la luktado kontraŭ la ŝtatmonopolisma regsistemo en Okcidentgermanujo

Valtero Ulbriĥto (germane: Walter Ulbricht), per tiu ĉi vojmontra analizo de la ekonomio en la Germana Demokratia Respubliko (GDR) faris la teorian elpaŝon, kiu kondukis la paŝojn en la reala ekonomio, por liberiĝi el la stalinisma ekonomio, starigante la Novan ekonomian sistemon de planado kaj gvidado (en la germana: NÖSPL: Neues Ökonomisches System der Planung und Leitung).

Tiu sistemo, kiu donis pli da memstareco kaj da respondeco al la lokaj produktejoj, produktis pozitivajn rezultojn, ĝis kiam Ulbriĥto estis anstataŭita de Honecker, favorulo de Breĵnev en Sovetio.

Tiu ĉi parolado, ĉefe la dua parto, kiu okupiĝas pri la ekonomiaj ŝanĝoj en la konstruado de la evoluinta sistemo de socialismo, estas certe konindaj por tiuj, kiuj celas nuntempe konstrui la socialismon ie en la mondo.